منتديات كــــــــونى يكن: يا عــم مش كفـــاية انى ...... !!!

منتديات كــــــــونى يكن

يا عــم مش كفـــاية انى ...... !!! Mar 31st 2013, 05:27 يا عــم مش كفـــاية انى ...... !!! كلاكيت اول مرة :) أحمد : ايه يا " سعيد " مش قولتلى انك بطلت تسمع اغانى تانى ولا انت رجعت فى كلامك ؟؟! سعيد : لا يا CD انت مش فاهم الموضوع , انا سبت البنات اللى كنت بكلمهم و خلاص نهيت الحوار ده من حياتى بس الأغانى بقا مش قادر .. مش كفاية انى سبت البنــات !! كلاكيت تانى مرة :) أسماء : " سماح " انتى حاطة ليه ميك آب ! المفروض انك لابسة اسدال يعنى مينفعش و القصة كمان اللى تحت دى طالعة ليه ؟؟! بتشم هوا يعنى سماح : جرى ايه يا شيخة " أسماء " مش كفاية انى لبست الإســدال ! حورا بنشوفه و بيتكرر كتير فى حياتنا ... تيجى تنصحى واحد بيجمع الصلوات يقولك ( مش كفاية انى بصلى اصلاً ! ) تيجى تنصحى واحدة تلبس واسع و محترم تقولك ( مش كفاية انى لابسة حجاب اصلاً و غيرى شعرهم باين ! ) الظاهر ان النوع ده مسمعش الآية دى قبل كده او سمعها و مش عارف تفسيرها .. او سمعها و عارف تفسيرها بس برضو مش عايز يعمل بيها !! يَمُنّونَ عَليْكَ أنْ أسْلموا ، قُلْ : لا تَمُنُّوا عَليَّ إسْلامَكُم ، بَل اللّهُ يَمُنُّ عَليْكُم أنْ هَداكُمْ لِلإيمانِ ، إن كُنتُم صادِقِين ( . و الآية هنا نزلت لما قبيلة ( بنو أسد ) دخلت فى الإسلام و أرسلت إلى الرسول صلّ الله عليه و سلم تقول له ( اسلمنا و قاتلنا العرب و لم نقاتلك كما قاتلك فلان و فلان ..) فقال الرسول : إن هؤلاء قوم فقههم قليل ,,, و نزلت فيهم هذه الآية " ... لا تمنوا علىّ إسلامكم بل الله يمن عليكم أن هداكم للإيمان .." يعنى ربنا بيقولهم ان الإسلام هو اللى سيجلب لهم الخير و الفضل من الله, و ان دى نعمة من ربنا عليهم .. تمام كده الآية مفهومة ؟ يعنى اللى قررت تلبس حجاب و اسدال بس لسة بتحط مكياج مثلاً .. انتِ بتمنى على ربنا انك لابسة حجاب ؟؟!! انتِ بتمنى على ربنا انك نفذتى اوامره ؟؟!! ربنا سبحانه و تعالى هو من يُمن عليكِ بهذه النعمة .. شوفى كاااام واحدة مش محجبة فى الشوارع ! انتِ ربنا اختارك لهدايته و دى نعمة من ربنا انتِ لااااازم برضو تشكريه عليها و إلا هتزول منك لأن دوام النعمة موصول بالشكر . اوعى تمنى على ربنا بحاجة ابداااااااا . يعنى اللى قرر يسيب الشلة إياها و البنات .. بس لسة بيشرب سجاير و لسة بيسمع أغانى و بيقول كفاية انى سبت البنات و الشلة كفاية اووى كده .. انت هتمن على ربنا انك سبت معصية ؟؟! انت هتمن على ربنا انك نفذت اومراه ؟؟! ربنا سبحانه و تعالى هو من يمُن عليك بأنه خلاك تسيب المعصية دى ولازم برضو تشكره على كده و إلا ممكن ترجع تانى للمعاصى .. و طبعا ده مثال بسيط للتوضيح .. انت ممكن تكون بتمن على ربنا فى حاجات كتير فى حياتك بس مش واخد بالك .. لاازم وقتها تفتكر نعم ربنا عليك و ان غيرك محروم منها .. تفتكر المعصية اللى كنت هتقع فيها بس ربنا هداك و رجعك و ده طبعا مش شطارة منك ده فضل من ربنا .. تفتكر وقت إلتزامك و هدايتك و غيرك من اصحابك لسه تايهين و مش التزموا .. و كل ده نعــم من ربنا عليك .. فأوعى تمن على ربنا بنعمه عليك . شايفين الحديث القدسى ده بيبين لنا ان كل شيئ بيد ربنا سبحانه و تعالى و اننا ضعفاااااء اضعف من اننا نجيب قوت يومنا و ان كل ده فضل من ربنا .. يا عبادي كلكم ضال إلا من هديته فاستهدوني أهدكم , ياعبادي كلكم جائع إلا من أطعمته فاستطعموني أطعمكم , يا عبادي كلكم عارٍ إلا من كسوته فاستكسوني أكسكم , يا عبادي إنكم تخطئون بالليل والنهار وأنا أغفر الذنوب جميعاً فاستغفروني أغفر لكم ... منقول المصدر: منتديات كــــــــونى يكن - من قسم: الـمـنـتـدي الإسـلامـي الـعـام dh uJJl la ;tJJJhdm hkn >>>>>> !!!

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :