منتديات كــــــــونى يكن: فرحتي بتضيع ساعدونى

منتديات كــــــــونى يكن

فرحتي بتضيع ساعدونى Jul 30th 2013, 04:43, by اريد حلا فرحتي بتضيع ساعدونى بسم الله الرحمن الرحيم انا بنت عندي 23 سنة مخطوبة من 4 شهور..مبسوطة اوى بالخطوبة دى وبحب خطيبي اوى اوى وبحمد ربنا انه رزقني بيه وهو نفس القصة بيحبني اوى اوى ومش هطول عليكم هدخل في الموضوع على طول عندي صاحبتي من ايام المدرسة ..بينا ايام كتير حلوة وعيش وملح وصداقة وعشرة عمر بس مش مبشوفها كتير لانها عايشه مع اهلها برة مصر وبتيجي على الامتحانات بتاعتها بس وبتسافر تاني وكل الاتصالات اللى بينا وهي مسافر النت ونادرا الموبايل وساعات بتعدي اياااام معرفش عنها حاجة المهم الانسانة دي كانت مرتبطة بحد وسابوا بعض والموضوع انتهى بس هو شغال تهديدات فيها وقاللها انا مش هسيبك ولا هسيب اى حد حواليكي سواء صحابك او اهلك او اى حد يعرفك طبعا انا سمعت الكلام دة وقعدت اضحك وبقيت اقول اعلى ما خيله يركبه انا مش خايفة من حاجة واعتقد انها كمان مش خايفة من حاجة لانى واثقة فيها بس اكتشفت ان ثقتي مش في محلها واتصدمت فيها ومش مصدقة انها فعلا تعمل كدة الهانم بعتاله صور ليها زى الزفت وهو كمان مصورها صور كتير زى الزفت واللى فهمته ان في كمان حاجات اكتر من كدة عنده وبيهددها انه هيضيع مستقبلها بيهم وفعلا هو دلوقتي بيضيعها وكان متقدملها عريس وراح وراله كل حاجة وسابها المشكلة دلوقتي انه عمال يهدد فيا انا ووصلي عن طريق الفيس بوك وبالتالي وصل لخطيبي وبيقول عليا كلام مش كويس ومحصلش وبيهددنى ان يقول الكلام دة لخطيبي وباعتلي كام صورة ليها وقاللى كله هبعته لخطيبك قصاد انى اوصله ليها او اخليها تكلمه وانا معرفش عنها اى حاجة لانى طبعا بعد كل دة انا قطعت علاقتي بيها نهائيا.. انا حكيت لخطيبي كل حاجة وشاف المسج اللى بعتهالى الولد دة ومن ساعتها وعلاقتنا متوترة وقاللى مدام صاحبتك كدة يبقى انتي زيها قعدت اقنعه كتير انى معرفش هي بتعمل ايه ولا بتهبب ايه وانى مش مسئولة عن تصرفاتها ولا عن اى حاجة بتعملها وكمان هي بعيد عني معرفش هي بتعمل ايه والمفروض ان انت واثق فيا انا دلوقتي مش عارفة اعمل ايه..اتحطيت في مشكلة كبيرة وانا ملييش ذنب فيها..وفي حالى والاقي حد معرفهوش ولا يعرفني وبيهددني ..والانسان دة مبيعرفش ربنا بيدوس على اي حد ادامه حتى لو ميعرفهوش.. والتصرف الصح اللى انا شايفاه اني اقطع علاقتي بيها وانا فعلا عملت كدة لانها صغرت في نظري اوى ومتوقعتش منها التصرفات السيئة دى انا تعبانة وخايفة وقلقانة وخايفة خطيبي يسبني بسبب مشكلة انا ملييش علاقة بيها وكمان حاسة انه شاكك فيا ومش مصدقني.. قولولى اتصرف ازاى لانى فعلا حياتي اتقلبت في ثانية وبتدمر المصدر: منتديات كــــــــونى يكن - من قسم: أريد حلا tvpjd fjqdu shu],kn

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :