منتديات كــــــــونى يكن: عندي مشكله وجعااني اوى..عايزه حلول منكوا :(

منتديات كــــــــونى يكن

عندي مشكله وجعااني اوى..عايزه حلول منكوا :( Jul 30th 2013, 01:44, by اريد حلا عندي مشكله وجعااني اوى..عايزه حلول منكوا :( بسم الله الرحمن الرحيم انا حصل معايا مشكله جامده قريب ومش عارفه اتصرف او احلها ازاي ..بس بتمنى تسمعوني للاخر وتجيبولي حل .. انا بحب واحد قريبي اسمه احمد وهو كمان بيحبني جدا ( هو يبقى ابن خال ماما وفي نفس الوقت بااباه يبقى ابن عم بابا,, عشان بابا وماااما قرايب بردو) احنا بنحب بعض من 3 سنين وممته كانت عارفه الموضوع الى بينا وموافقه عليا جدا وبابا وماما عارفين السنه الى فاتت كان في حد في عيلتنا بيوصل كلام لماما عن لسان احمد وبيوقع بينهم ونفس الموضوع ناس بتكلم ممته وتقولها كلام عني وعن ماما المهم ان ممته مكنتش بتصدق الكلام ده ومصدقاني وكانت موافقه انه يكلمني في حين ان ماما لما سمعت عنه كلام مش كويس قالتلي مكلموش وبابا بردو مكنش عايزني اكلمه لسبب غير ده خالص انا فضلت اكلمه لانه فعلا معملش اي حاجه وكان بيحلفلي وبيقسم ان كل الكلام الى بيوصل لماما غلط ومكنش ينفع اقولهم اني لسه بكلمه ..كانت ممته بس الى عارفه الموضوع ده من قريب بقه بابا عرف اني بكلمه .. واتصرف تصرف انا شايفاه غلط جدا (كلم ابن عمه الى هو يبقى اخو ابو احمد..مكلمش ابو احمد علطول يعني ) وقاله يبلغ ابو احمد انه يخلي احمد يبعد عني وميكلمنيش تاني عشان احنا لسه بدري على الكلام ده وسن مراهقه وقدامه وقت يكون نفسه وانه مينفعش يعلقني معاه كده مع العلم اننا اد بعض والسنه دي ان شاء الله 1 جامعه المهم ان باباه زعق معاه جامد وقاله ميكلمنيش وهو حاليا مش عارف يكلمني خالص بسبب ده الاغرب بقه .. ان الى بابا كلمه كلم ممته ومن ساعة المكالمه دي .ممته قلبت عليه جدا وبعد ما كانت موافقه ومخلياه يكلمني .. بقت هي الى بتحظره وبتقوله متكلمهاش وطبعا انا وهو منعرفش قالها ايه .. هي مش راضيه تقول المشكله دلوقتي ان باباه قاله انسى اي خطوبه او اي كلام الا بعد ما تتخرج وتشتغل شغل ثابت وانا بيتقدملي عرسان كتير من دلوقتي .. يعني الله اعلم بعد كام سنه هيحصل ايه يعني باباه رافض تمااااااما انه يخطب وهو بيدرس ..وممته دلوقتي قالتله ميكلمنيش وينسى الموضوع (والرفض ده مش رفض عشان هما معترضين عليا .. مش كده خالص,,بس عشان الى بابا عمله ) انا وهو مش عارفين نعمل ايه ..انا عايزاه وهو عايزني وعندي استعداد استناه بس المشكله في بابا لو اتقدملي عرسان كتير هرفض بحجة ايه؟؟ وهو المفروض اني مش بكلمه انا بقوله يمكن بس دلوقتي عشان الكل شايفنا صغيرين ولسه بدري بيقولوا الكلام ده يمكن بعد كام سنه الوضع يتغير وباباه يرضى وممته تنسى الموضوع وتقنع باباه خطوبه بدري ازاي مثلا يقدر يقنعهم بانه يكلم بابا قراية فاتحه بس واحنا ف جامعه ازاي حتى يقدر يكون نفسه و حتى تمن شبكه لحد ما يشتغل انا عايزه حل بجد لكل المشاكل دي .. وبدعي ربنا كتيييييير اوى ان ربنا يسهلهالي ويحلها من عنده وبتمنى حد فيكوا يكون عنده حل المصدر: منتديات كــــــــونى يكن - من قسم: أريد حلا uk]d la;gi ,[uhhkd h,n>>uhd.i pg,g lk;,h :(

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :