منتديات كــــــــونى يكن: (الحلقة الثانيه) يوميات "يوسف&جميلة"

منتديات كــــــــونى يكن

(الحلقة الثانيه) يوميات "يوسف&جميلة" Mar 31st 2013, 00:13 (الحلقة الثانيه) يوميات "يوسف&جميلة" الحلقة الثانية وزى المسلسلات التركى هنزل اول حلقتين فى يوم واحد . فى الحلقة اللى فاتت منصور والد جميلة وكمان مامتها اعترضوا جدا على حكايه شغلها فى اسكندريه جميلة: طب ممكن يا بابا اعرف ايه سبب الرفض ده ؟ ياجماعه انتوا مش كنتوا عاوزنى ابقى دكتوره فى الجامعه ادينى بحط رجلى على اول سلمه أهو ليه بقى معترضين ؟؟ منصور : يابنتى افهمينى احنا عاوزينك تبقى احسن واحده فى الدنيا بس جنبنا وقدام عنينا مش فى بلد تانيه جميلة : بلد تانيه ايه يا بابا هو انا هشتغل فى المانيا ؟ ده انا مش هكمل ساعه مواصلات من هنا للجامعه . منصور : يارب يكون دقيقه برضوا لاء . ياحبيبتى افهمى انتى اللى طلعنا بيكى من الدنيا وبنخاف عليكى من الهوا الطاير أزاى بقى نسيبك تبعدى عننا كده وبعدين اديكى شايفه الدنيا معدش ليها امان جميلة : يابابا انا مش صغيره واعرف احمى نفسى كويس .. ماتقوليله حاجة يا ماما عايدة : اقوله ايه اذا كنت موافقه على كلامه جدا ولو هو وافق انا مش هوافق جميله : (بعصبيه) الكلام ده مش ينفع حرام عليكوا بقى وبتعيط . منصور ياخدها فى حضنه ياحبيبتى والله انا مش هاين عليا زعلك بس برضوا قلبى مش مطاوعنى تبعدى عننا . عايدة : طب انا جاتلى فكره هتحل المشكله دى . جميلة (بلهفة ) : ايه هى يا ماما ؟؟؟ عايده : مش احنا مش عارفين نخليكى جنبنا ؟؟؟ خلاص نيجى احنا عندك جميلة : أزااى يعنى ؟ عايدة: يعنى احنا نشترى شقه فى الاسكندريه ونروح نعيش كلنا هناك معاكى . جميلة اتبسطت جدا : بجد فكره تحفة ايه رايك يا بابا ؟؟؟؟ منصور : ساكت وعلو وشه علامات حيره جميلة : مش بترد ليه بابا ؟؟ منصور : انتوا عاوزنا نسيب المكان اللى عشنا عمرنا كله فيه ونروح بلد تانيه مش عارفين فيها حد ؟ (لحظه سكووت وتفكير ) عايده : حبيبى احنا عشنا حياتنا وجه الوقت عشان بنتنا تعيش حياتها ولازم نعمل اى حاجه فى سبيل راحتها وسعادتها .. وبعد مناقشات كتيررررررررررررر جدا منصور : طب تعالو ننام دلوقتى عشان الوقت أتأخر وبكره نبقى نتكلم . دخلوا كلهم يناموا بس طبعا جميلة مش جايلها نوووووم ابدا وطول الليل بتفكر ياترا بابا هيوافق ولا هيرفض وياترا انا كده انسانه انانية عشان هبدى مصلحتى عليهم واخليهم يتخلوا عن كل ذكرياتهم عشانى ؟؟ طب لو بابا قالى مش موافق هتصرف ازاى ؟؟ كل دى اسئله دارت فى عقل جميلة لحد ماالنهار طلع وكانت حاسه ان دى اطول ليلة عدت عليها فضلت جميلة مستنيه قرار باباها واكنها مستنيه نتيجة الثانويه العامة اخيرا عدت الليله الطويله دى ومامت جميلة نادت عليها عشان تقوم تفطر جميلة : صباح الخير ياماما عايدة: صباح النور ياحبيبى انتى صاحيه بدرى ولا ايه؟ جميلة : انا مش نمت اصلا من كتر التفكير .. هو بابا مش قالك موافق ولا لاء عايدة : مش عارفه ياحبيبتى . وعدين مش تستعجلى اللى ربنا رايده هيكون منصور : صباح الخير جميله& عايدة : صباح النور قعدوا التلاته على السفرة , جميلة مستنيه باباها يتكلم ويقولها قرر ايه واخيرا ينطق منصور : أحنا بعد كده مش هنروح مصايف . صح؟ جميله وعايدة بيبصوله باستغراب كده منصور : هو فى حد يبقى عايش فى اسكندريه ويروح يصيف ؟؟ ده احنا البحر هيجى لحد عندنا تطير جميله من الفرحه وتجرى على باباها تحضنه ربنا يخليك ليا يا روح قلبى منصور : من بكره هعرض الشقه للبيع وادور على شقه كويسه فى اسكندريه جنب الجامعه عشان مش تتعبى فى المواصلات . بعد مرور فتره >>> عيله جميلة خلاص باعو شقه القاهره واشتروا شقه فى اسكندريه والنهارده رايحين عشان يفرشوها فى العماره الجديده كان ليهم جيران فى الشقه اللى قدامهم (عيلة يوسف ) جميلة وليلى اخت يوسف بقوا صحاب وجميلة عرفت ان ليلى ليها اخ اسمه يوسف مهندس وشغال مدير فى شركه كبيره فى اسكندريه بس هو مسافر دبى شهر تبع الشغل بعد اسبوع ... والد جميلة ومامتها كان لازم ينزلوا القاهرة عشان يخلصوا شويه حاجات وفعلا سافروا من الصبح بدرى . ليلى راحت قعدت مع جميله عشان يسلوا بعض لحد ما اهلها يرجعوا وفجأة تليفون جميلة رن قامت جميلة ترد وكانت اكبر صدمه فى حياتها ......... ياترا ايه اللى حصل ؟؟؟ هنعرف الحلقة الجاااااااااية المصدر: منتديات كــــــــونى يكن - من قسم: القـصـص القصيرة (hgpgrm hgehkdi) d,ldhj "d,st&[ldgm"

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :