منتديات كــــــــونى يكن: ليه محدش بيحبني؟؟

منتديات كــــــــونى يكن

ليه محدش بيحبني؟؟ Feb 27th 2013, 20:07 ليه محدش بيحبني؟؟ اتمنى ان حد يقدر يساعدني مشكلتي اني حاسة ان محدش بيحبني و اني عاملة مشاكل لكل اللي حواليا و ده بيخليني يائسة من الحياة و بتمنى الموت مع اني عارفة انه حرام بس غصب عني اخواتي الصغيرين و الكبار و على طول في مشاكل معاهم و على طول خناق ده لاني مابعرفش اشوف حاجة غلط و اسكت عليها و عصبية و سهل اي كلام يستفذني لدرجة انهم شبه مقاطعيني و احنا في نفس البيت و ماما و بابا على طول يقولولي اني سبب النكد في البيت و اني على طول عاملة مشاكل حبيت انسان و بعد ارتباط 3 سنين سابني باسباب تافهة و اكتر من 10 عرسان يحصل مقابلة و يمشو بدون رجعة من اول مقابلة ماليش اصحاب تقريبا هما ناس قليلة اللي بعتبرهم قريبين مني بس مش لدرجة اني اثق فيهم لاني عارفة ان محدش فيهم بيحبني من قلبه بجد يعني نعتبر زمايل مش اصحاب مش قادرة احس بطعم اي حاجة في الدنيا و تعبانة و يائسة جدا حتى لما بخرج بكون من جوايا مضايقة و مش قادرة افرح بالخروجة و لا بالسفر و لا بدراستي و لا بأي حاجة و لما بنام بحلم بكوابيس انا من جوايا طيبة جدا بس مش بحب ابين كدة و بحب ابان قوية ادام الناس حتى اهلي و العصبية و كدة من حبي ليهم و خوفي عليهم بس مش بعرف ابين غير بالطريقة دي حاسة اني مريضة و نفسي اتعالج و نفسي اتكلم مع حد و اقول اللي جوايا بس اهلي رافضين و بيقولولي ناقصك ايه علشان تحتاجي دكتور نفسي و انتي كل طلباتك مجابة و كدة بس انا بجد محتاجة كدة لاني حاسة اني بنهاااااااااار المصدر: منتديات كــــــــونى يكن - من قسم: أريد حلا gdi lp]a fdpfkd??

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :