منتديات كــــــــونى يكن: قبل ما نتخطب.........

منتديات كــــــــونى يكن

قبل ما نتخطب......... Feb 6th 2013, 16:27 قبل ما نتخطب......... قبل ما نتخطب انتي مش متوقعة أي شيء من اللي هقوله لكي، بس ده فعلا إحساسي بيكي. معرفتي بيكي كانت تقليدية جدًّا؛ فيه عروسة كويسة... ما تروح تشوفها يمكن يكون فيه نصيب؟ روحت وأنا عايز أخلًّص الموضوع، وأفهِّم أهلي إن أنا مش هتجوز بالطريقة دي. من غير أي حاجة... أول مرة شُفتك عجبتيني، قُلت: أستنى؛ يمكن في حاجة في شخصيتها تخليني أتمسك برأيي، وأتحجج، وأقول شوفتوا؟! لا مش هي اللي في نفسي! وانتي بتتكلمي كنت عايز أقولك اسكتي... انتي بكل كلمة عمَّالة تقنعيني، وغصب عني لقيت نفسي قاعد ومبعملش حاجة غير إني باصص عليكي! أهلي شدوني، وقالوا: يلا... لازم نمشي. ماشي عمال أفكر فيكي... يسألوني عن رأيي مجاوبش! سرحان عمال أتخيلك بتشاركيني في كل حاجة في حياتي! وأقول لنفسي: إيه اللي أنا بعمله؟! مش المفروض إني رايح علشان أقول عليكي: لأ! طلبت إني أشوفك تاني، وقلت لنفسي: المرة دي أنا هاخد قراري، وبرضه معرفتش! قاعد قدامك مش عايز أعمل حاجة غير إني بس أسمعك، وأشوف عينيكي وهي عمالة تهرب مني، وتبص في مكان تاني. صليت استخارة، وتوكلت وقلت لهم: إني موافق، وفضلت قاعد مستني ردك، وكنت خايف؛ أقول في نفسي: هترفضي ولا هتوافقي؟! ولما وافقتي؛ سجدت من الفرحة. عارفة لما شافوني قالولي: مش هي دي اللي قلت عليها: لأ؟! كنت عامل زي الطفل اللي مكسوف قدامهم! ولا كأني كبير وعاقل. وفضلت أقول لهم: أرجوكم متوقفوش الجوازة على حاجة... كل اللي هم عايزينه أنا عليه موافق. أنا نفسي أسألك؛ لأني مش لاقي إجابة عندي... هو أنا حبيتك كده ليه من أول مرة شوفتك فيها؟! طب ده معقول إني احبك من أول نظرة؟! ده أنا حسيت إني حبيتك أكتر مع أول كلمة نطقتيها!! وأسأل نفسي لما هتبقى معايا لباقي عمري أنا إحساسي بيكي هيكون إزاي؟! أنا حاسس إني بقيت عيَّان بيكي. سارة رضا " المصدر: منتديات كــــــــونى يكن - من قسم: فضفضة و شات rfg lh kjo'f>>>>>>>>>

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :