منتديات كــــــــونى يكن: فى بيتنا قـاتـــل

منتديات كــــــــونى يكن

فى بيتنا قـاتـــل Feb 24th 2013, 18:50 فى بيتنا قـاتـــل ايوة ايوة عينيكم مخدعتكمش فعلا فى بيتنا قاتل بنتعامل معاه يومياً وبنستخدمه بإسراف إسمه الكمبيوتر هو للاسف مبقاش من الكماليات واصبح من الاساسيات فى عصرنا تقريبا انا فى الكمبيوتر والانترنت بقالى 15 سنة من أيام ويندوز 97 وكارت الفاكس لما كان الواحد بيسرق خط تليفون البيت بعد ما اهله يناموا ويدخل نت ويقعد 4 ساعات عشان يحمل اغنيه مساحتها 3 ميجا او افضل سهران على شات الهوتميل ( أكيد محدش يعرفه دلوقتى خالص :D ) فى البدايه كان الكمبيوتر عالم جديد وهويته وعشقته فى فتره الثانوى دى وكنت بتقدم فيه كل مدى اكتر واكتر وكل مدى بدمن الجهاز دا وبيعزلنى عن اللى حواليا اكتر واكتر فى الجامعه يمكن حياتى كان فيها حركة وندوات وأنشطه وزارة الشباب وبرلمان الشباب وكمان بطل الجامعه فى الملاكمة واقليم قناة السويس كله بمحافظاته الثلاثه بس كنت برضه ارجع لصديقى الكمبيوتر واتعلق بيه اكتر واكتر لدرجة انى غيرت مسار حياتى تماما وحولت من كليتى اللى بجيب فيها تقدير جيد جداً كل سنة واتجهت لكلية الهندسه عشان اتخصص فى هندسه الاتصالات وادرس المجال اللى بحبه وبرضه بقيت اجيب جيد جداً وامتياز ومع نهايه الجامعه كنت احترفت لغات البرمجة وخصوصا برمجه المواقع والمنتديات وكمان قواعد البيانات وبقى عندى موقعين شخصيين بمنتدياتهم وعضو فى حوالى الف منتدى وموقع ( أدخلوا جوجل واكتبوا العضو KAYSER وشوفوا نتائج البحث كام صفحه دا غير انى كنت بفضل الله ماسك مواقع فنية لـ كاظم الساهر و أصالة و ذكرى وأحمد زكى وأخيراً عامر منيب (ذكرى اتقتلت واحمد زكى توفى وعامر منيب حصله ومعرفش ليه كل ما امسك موقع حد الاقيه مات مش عارف انا اللى نحس ولا هما .. عشان كده بفكر اعمل موقع لـ محمد مرسى :biggrin: ) اتراسل مع بدر مدير اعمال كاظم وانزل احدث الالبومات والاخبار اتراسل مع مرثية مديرة اعمال اصاله وانزل كل الجديد اتراسل مع جلال مدير اعمال تامر حسنى وانزل الجديد وعملت شبكة علاقات عامة واسعه بفضل الله مع فنانين كتير وبعشق مجالى جدا لدرجة انه عزلنى تقريبا عن اهلى واخواتى ومبقتش اتكلم مع حد وحتى ولاد عماتى كنت بكلمهم من خلال الكيبورد فقط علماً بان والدتى متوفيه وعايش مع والدى واخويا اما فى دراسته او شغله يعنى كنت كتير ببقى قاعد لوحدى فى البيت ومفيش رقابه او حد يجبرنى انى اقوم يعنى دا غير ان اخويا اصغر منى وحنين جداااا ومش بيقولى لأ حتى لو هطلع عينيه مشاوير المهم ان الكمبيوتر اصبح صديقى الوحيد وهوايتى وإدمانى وشغلى كمان واهملت كل انشطة وزارة الشباب وبطلت اخرج اصلا لدرجة انى ممكن اقعد على الجهاز 4 ايام متواصله اربع ايام بكل معانى الكلمة اقعد على الجهاز على شمالى ترمس قهوه وعلى يمينى 5 علب سجائر والجهاز قدامى اعيش معاه لو عايز اكل .. اتصل دليفري او اخويا يجيبلى صينية الاكل وانا على الكمبيوتر لو عاوز اشرب .. الميه تجيلى وانا على الجهاز لو القهوه خلصت .. استنى اخويا يملأ الترمس لو السجاير خلصت .. ابعت اخويا يجيب الشئ الوحيد اللى كان بيخلينى اقوم .. هو الحاجه لدخول الحمام لانهم للاسف مخترعوش حمام محمول :k (208): وافضل مطبق يومين بدون نوم وفى نهايه اليوم الثالث اروح اقلب الكيبورد واسند دماغى عليه وانام كنت فعلا والله العظيم بقعد لحد ما انام على الكيبورد كده ولما اصحى افتح الشاشه واكمل قعاد على الكمبيوتر وطبعا بطلت اى زيارات اجتماعية واى عزومات وافراح وكنت بدخل فى مشاكل مع والدى عشان النقطه دى وبعد ما كنت بطل الجامعه فى الملاكمة بقيت عايش اغلب الوقت سجاير وقهوه ووزنى عمال ينزل و وصل لـ 48 كيلو ومع الوقت لاحظت ورم فى رجلى الاتنين رجلى بقت تنمل كتير اوى وتتنفخ وكل يوم اكبر من اللى قبله ورجلى مبقتش تدخل فى الكوتشى او الشبشب بس كنت بكبر دماغى فى الاول والتنميل بدأ يقلب بألم وزرقان وحاسس ان رجلى سخنه اوى ومبقتش بقدر امشى وخوفت يكون دى اعراض داء الفيل وقولت لازم اروح اكشف ومش هينفع استنى للعيادات بليل بناءا عليه اتسندت واتحاملت وروحت للمستشفى دخلت للدكتور لاقيته عرضنى على الدكتور اللى اعلى منه ويقولى انت مين معاك ؟؟ قولتله لوحدى .. ايه فى ايه ؟؟ يقولى عايزين والدك او والدتك اقوله ليه ؟؟؟؟؟؟؟؟؟؟ :| يقولى اللى عندك دا رشح حاد للقدمين وانت لو كنت اتاخرت يومين كنت هتوصل لمرحلة البتر بشكل اكيد بس انت هتتحجز معانا ولازم والدك يكون موجود عشان لو احتاجنا توقيعه على اقرار بتر اقسم بالله الكلام اللى فوق دا حصل معايا طبعا من صدمتى متكلمتش وسلمت نفسى خالص وبقيت اسمع الكلام زي الطفل التايه اللى رايح واللى جاي يدينى حقنه او يسحب منى عينه وانا مسلم نفسى تماما وبتقطع من جوايا الدكتور فى النهايه قالى هتمشى على حقن هتوجعك شويه بس اظن افضل من البتر صح ؟ قولتله اكيد طبعا وهستحمل الحقن بقيت اخد الحقنة والالم بيقطع فيا وقضيت اسبوع اسود فى المستشفى لحد ما بفضل الله وكرمه الورم نزل وراح ورجعت رجلى لطبيعتها الدكتور قالى مينفعش الجلوس الكتير حتى لو مفيش كمبيوتر لازم حركة ولازم نشاط انشالله يارب تقوم تعمل كوبايه شاى كل 4 ساعات او تقوم تفتح التلاجه وتشرب المهم تتحرك من مكانك والدورة الدموية تنشط فى رجلك من ساعتها قل اهتمامى بالمواقع والفنانين والاغانى كمان بما ان الحاجات دى كانت هتوصلنى للكرسى المتحرك ورغم ان مجال عملى فى صميم الكمبيوتر وبفضل الله مسئول تكنولوجيا المعلومات فى شركة هنديه انجليزية وحققت كل اللى بحلم بيه بس برضه نصائح الدكتور وكلامه لسه بيترددوا جوايا وبقيت اتحرك واعمل رياضه وحتى لو مفيش وقت للرياضه بتعمد انى اطلع وانزل على السلالم ومش استخدم الاسانسير او اتمشى فى الشوارع بليل التحذير دا لناس كتيرة جدا خصوصا ان المنتدى نسائى وحواء بصفه عامة مدمنة للاملاح فى الاكل ودى عامل محفز جدا لارتشاح القدمين يعنى الملل والفراغ سواء للانسات او لربة المنزل اللى زوجها فى شغله طول اليوم بيدفعها لتصفح الانترنت بإفراط وإسراف والمصيبه بقى لو كانت داخله فى عالم النت والكمبيوتر لسه جديد ومبتدئه لانها هتبقى شرهه للكمبيوتر ومدمنة ليه :( اللهم بلغت اللهم فأشهد .. اللهم اشفى مرضى المسلمين ومرضانا وأشفى عبادك يا كريم المصدر: منتديات كــــــــونى يكن - من قسم: الصـحـة الـعـامـة tn fdjkh rJhjJJJg

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :