السلام عليكم ورحمة الله وبركاته
بصوا بقا علشان اتخنقت بصراحة من ام المناظر اللي بشوفها كل يوم لحد ما اتعقدت وبقيت بكره اخرج :sSa_cry4: .. هقولكم ع اللي بشوفوا واحكموا انتوا :mood1:
أول حاجة : البنطلون الساقط 
و ع رأي المثل ( لو كان للبنطلون لسان كان قالك ارفعني يا حيوووووووان ) :mood1:
بجد بتخنق اوي من الشباب اللي بيلبسوا كده .. وتلاقي البوكسر باين وحاجة تشل .. اللي بيلبس كده مستخسر يجيبله حزام يرفع البنطلون ولا ايه بالظبط ؟؟ لا واحد ناصح هيرد ويقولي ده موضه .. الله يخربيت الموضه اللي تخلي الرجالة تسقط بنطلوناتها .. بالله عليكم ترحمونا من المنظر ده .
تاني حاجة : البنطلون الفيزون :k (183): 
و ع رأي المثل ( اللي برا شايف اللي جوا ) وماشاء الله البنطلون ده له رؤية ثلاثية الابعاد :mood1: .. نفسي افهم البنات اللي بتلبس البنطلون ده بيلبسوه ازاي ؟؟ بيدخل ازاي طيب !! .. يعني لو وحدة جسمها مليان شويا وحبت تلبس فيزون يبقا كلوا سنة وانتوا طيبين :k (23): .. يابنتي ارحمي نفسك وارحمينا و ارحمي الشباب اللي بيتفرج عليكي وبتاخدي ذنوب كل ما واحد يبص عليكي .. شوفي بقا كام واحد هيبص !! .. انا كـ بنت بستحقر اي بنت بتلبس البنطلون ده .
تالت حاجة : الشعر الكنيش 
دول مثالين ع الشعر الكنيش .. يا اما استايل الجريني او استايل مكي
نفسي افهم الشباب بيعملوا ف نفسهم ليه كده ؟؟ بصراحة اللي بيعملوا كده بيبقوا شبه الغوريلا .. والمفروض يخوفوا بيهم العيال :mood1: .. وبحس انه مش غسل شعره بقالوا سنة علشان يبقا بالشكل ده .. أكيد اللي بيسيب شعره كده بيبقا جواه تعابين مش بس حشرات .. جاتكوا نيلة مليتوا البلد :mood1:
رابع حاجة : الميك أب الأوووووووووفر أوي :sSa_cry4: 
يارب اللي تحط ميك اب تاني تيجي تبص ف المرايه تلاقي نفسها كده :k (23):
بحس ان البنات بقوا شبه عروسة المولد من اللي بيحطوه ع وشهم .. تلاقي الوحدة من دول حطالك نص كيلو أسمنت ابيض لحد ما بحس ان وشها هيفلق .. و تلاقيها زرعالك فدان ملوخية فوق عنيها ( زي الست اللي كانت ف مسرحية ريا وسكينة ) :mood1: .. والله كنت برا النهاردة ولقيت وحدة استغفر العظيم .. عاملة وشها زي البلياتشو بالظبط و لابسة لبس استغفر الله العظيم بردو .. لا و اللي هيشلني الخروف اللي كان ماشي جنبها .. مش مكسوف يا اخويا من منظرها ؟؟
أخر حاجة بقا : الموبايل اللي بيبقا جوا الطرحة :k (183): 
و ع رأي المثل ( شيلوا أم الموبايل من جوا الطرحة )
بتضايق اوووووووووي من المنظر ده .. اتشليتي يا حبيبتي انتي وهي لما تمسكي الموبايل في ايدك زي مخاليق الله ؟؟؟ و ع فكرة فيه
حاجة اسمها الهاند فري طالع بقاله كتير .. و لا هي منظرة وخلاص !! .. وتبقي ماشية يتريقوا عليكي علشان الحركة المستفزة اللي بتعمليها دي
دي كانت بعض المناظر اللي بيعملوها البنات والولاد و مضايقاني انا شخصيا و اكيد هبقا مضايقاكوا انتوا كمان
مستنية ردودكم وتعليقاتكم ع المناظر دي
محدش يخرج من غير اما يسيب رد هيتعلق :214:
و قد اعذر من انذر :mood1:
الموضوع مش منقوووووووووول :k (23):
0 التعليقات:
إرسال تعليق