لا السلام عليكم ...
انا عندى مشكله انا كنت مخطوبه لشخص يعتبر اول شخص ف حياتى وتقريبا ف صله قرابه ما بينا ورغم انى مكنتش اعرفه قبل كده بس هو حاول يوصلى باى طريقه وبعرفنى انه معجب بيا وانه مستنى الشغل وبعدها لو انا اقتنعت بيه هيتقدملى وطبعا انا رفضت اى طريق غير مباشر .. معداش وقت كبير واتقدملى واهلى وافقوا عليه وانا كمان وافقت .. اتخطبنا سنه ونصف عدت ايام صعبه كتير وانا استحملت كتير واعترفلى بكا اخطائه واتفقنا نبدا صفحه جديده مع بعض وعمره ما كدب عليا او ف يوم غلط فيا رغم كل المشاكل اللى كانت بتواجهنا اللى السبب الرئيسى فيها والده مشكله والده لحد الان انا مش فهماها ولا عارفه ازاى ممكن العلاقه بين الاب والابن تسوء وتوصل للدرجه دى .. كان فيه قاعدات كتير اوى عشان يتصالحوا وكلها للاسف بتفشل ده كان بيخلى ديما نفسيته وحشه وكمان عينه مكسوره قدامى وقدام اهلى عشان موضوع الشبكه وكان دايما بيحلم باليوم اللى نتجوز فيه .. للاسف مفيش اى مشكله ماديه بتواجههم بالعكس مستواهم المادى كويس جدا جدا جدا وهو الابن الوحيد وباباه دايما معاند ف كل حاجه كأنه عايز يكسره او يذله .. لحد ما اتكلم انه عايز نجيب الشبكه وكان فرحان جدا وباباه كالعاده كسر فرحتنا بانه مش هيروح معانا ولا هيحضر لا شبكه ولا فرح فبابا طبعا وانا كما رفضت ع فكره مش اعتراضا عليا او ع اهلى بالعكس هو عم امى وكان فرحان بيا جدا انى هبقى عروسه ابنه .. مش عارفه يمكن يكون حسد بان دايما من زمان جدا وانا بسمع تعليقات الناس عن باباه وانه هيسيب كل ده لمين وانه ولد وحيد واما اتخطبنا كل اللى حوالينا استكترونا ع بعض اوى واتعرضنا لمشاكل كتير بسبب قرايبه اللى يعتبروا قرايبى ... المهم انه من كتر الضغ وف اخر محاوله للصلح ما بينهم اللى كالعاده فشلت هو يأس وتعب وللاسف قرر انه يسيبنى عشان ميظلمنيش اكتر من كده وعشان مبقاش عارف يواجه اهلى وان الوضع ده هيستمر كتير المهم لما لقيته اتخلى عنى بعدت انا كمان ومامته وقتها كانت بتنهار بس مكنش فيه بادينا اى حاه وانفصلنا بعدها حصل بينا كلام وقالى انه بيتمنى يرجعلى بس مش هيقدر دلوقتى لان الظروف زى ما هيا وبعدها بفتره رجع كلمنى وكان فرحان وطلب منى اسامحه وان باباه احوالهم الا حد ما اتصلحت وانه هيفتحه ف موضوع اننا نعمل شيكه بكتب كتاب وبعدها بشهر نعمل الفرح وانه هيكلم بابا بعد امتحاناتى عدى الوقت وهو بيحلم وكالعاده باباه لما اتكلم معاه ومامته كمان عمل كانه مش سامع اى حاجه ولا اداهم اى اهتمام .. فطبعا مقدرش يواجهنى وشيه بعد او كان بيتهرب رغم انمكنش فيه بينا كلام كتير لان مينفعش المهم انا حسيت انى اتبعت تانى وان اللى بيحب حد بيعمل اى حاجه علشانه وتعبت اوى من الموضوع ده ومكنتش اعرف حتى هو بيتهرب ليه واتقدملى انسان كويس جدا وبيصلى ومستوى تعليمى ممتاز وفيه كل المواصفات الى بتمناها ارتحتله بس منكرش انى نسيت خطيبى الاول المهم للاسف حصل كلام وعرفت منه كل حاجه وان المشكله باباه وانه مش عارف يوعدنى بحاجه ومتتنفذش وحتى مش هيعرف يواجه اهلى من غير باباه .. حتى هو مش عارف يعمل ايه ومش عارف الوضع ده هيستمر لامتى مع العلم انه مسافر لمده 3 شهور تدريب تبع الشركه بتاعته وانا مطلوب من قرار ف انسان عمرى ما هاقى ف اخلاقه واهلى موافقين عليه اوى .. وكمان انا بيتقدملى ناس كتير الحمد لله يعنى لو مكنش الشخص ده هيبقى غيره وخايفه انى اخد خطوه واندم عليه واستنى برغم ان الموضوع ده مهما كان هيبقى جاى ع كرامتى انا واهلى انى مستنياه وباباه مش راضى وهما مش هيستحملوا ده .. قولولى بالله عليكم اعمل ايه انا يمكن مش متخيله انى ارتبط بشخص تانى غيره واسفه انا عارفه انى طولت بس جوايا كلام كتير كله ملخبط ومش عارفه اكتب ازاى وشكرا ليكم مقدما
hkh tn pdvm ,lpjh[i lshu]j;l
0 التعليقات:
إرسال تعليق