بسم الله الرحمن الرحيم
فى البداية كل سنة وانتوا طيبين وربنا كريم . ثانيا عندى مشكلة وعايزة حل , انا بنت عندى 24 سنة , وحيدة ووالدى متوفى وعايشة مع امى , ومرتبطة بيها جدا , وحياتى تعتبر منغلقة . يعنى خلصت الكلية ومش بشتغل وخروجى قليل , المهم اتخطبت مرة ولكن للاسف الخطوبة اتفسخت لانى ماقدرش احبة ,, المشكلة بقة انى من ساعتها كارهة فكرة الارتباط اكترقققققققققوى ,, كل اما اتخيل شاب او راجل احس ان معدتى بتقلب , والله العظيم مش ببالغ , انا من النوع الللى موهوم قوى من فكرة الجواز , حسة انة كارثة , مش عايزة اتجوز , خايفة قوى قوى من الجواز ,, عمالة اقول لنفسى لية اسيب امى اللى هى كل حياتى واللى اكتشفت انى مرتبطة بيها قوى لما اتخطيبت وجربت واروح اعيش مع واحد ماعرفوش كويس , انا مش من النوع اللى بيتاقلم بسرعة , وكمان مش حسة ان فى دافع لاى حاجة من الحاجات دى ,, بصوا يا جماعة بجد الفكرة مش صح وحسة انها مش منطقية ولا فكرة سوية اصلا , بس دة اللى بحسة ودة اللى بييجى فى دماغى , رغم ان حياتى حاليامافيهاش متع قوى يعنى , يعنى حياة منغلقة , وممكن يكون الجواز كارت مرور لحياة اوسع واحلى الا انى مرعووووووووووووبة وراضية لحالى دلوقتى حتى لو اسوا ,, بقول لنفسى بقة انا حييجى علية يوم اكون زوجة واعرف افتح بيت وابقى مسؤلة عن راجل ؟ وازاى حاخد علية ؟ وفى النهاية اوصل لان لية اصلا وجع الدماغ دة , ما انا كويسة اهو , وطبعا بما انى بفكر التفكير الغريب دة , وصلت لمرحلة انى بقيت مش بحب فكرة الخطوبة , لانى قاهمة انها فى النهاية حتوصل لجواز , ماهو مش حفضل مخطوبة على طول , زائد ان خطيبى الاولانى كان جاف شويية فى مشاعرة فكان مقدم لى الجواز على انة معاناة والست لازم تقف جنب الراجل ولازم يساندوا بعض , الحياة محتاجة جهد ,, طب انا لية اروح اتعب مع واحد انا ما اعرفوش اصلا , دة جواز تقليدى , مش عارفة هل السبب انى ماخرجتش كتير ومااحتكتش بناس , ولا خطيبى السبب فى انة قدم لى نموذج للحياة غير اللى كنت متخيلاة بشكل جذرى . ولا المشكلة عندى ؟ ساعات بسال نفسى وبستغربها هو انا لية مش عايزة اتجوز وحموت على الجواز زى كل البنات ؟؟ بحس انى مش طبيعية , حتى لما بروح فرح ولا حاجة عمرى عمرى ما حسدت العروسة , ولا اتمنيت اكون مكانها , زائد انى كمان قبل ما اتخطب اول مرة كان قلبى بيتحرك لحد مقثلا ممكن اعجب بية او كدة لكن بعد الخطوبة قلبى وااااااااااااااااااااااقف ومش راضى يدق تانى , مش عارفة احب وبجد تعبت ومش عارفة اعمل اية ,, لو حد فهم حاجة يقول لى :) .
afp hg.,h[
0 التعليقات:
إرسال تعليق