منتديات كــــــــونى يكن: خلى بااااالك دى مش زى دى !!

منتديات كــــــــونى يكن

خلى بااااالك دى مش زى دى !! May 11th 2013, 01:05 خلى بااااالك دى مش زى دى !! سامر : ايه يا بنى ؟ انت حلقت لحيتك ليه ؟ سمير : ليه ؟؟ يعنى كنت عايزنى بعد وابل التهزيق والتريقة اللى اخدتهم امبارح من الحاج محلقهاش ! ده انا حاسس انه كان ناقص يجيب الجيران يهزقونى معاه مش الجيران بس ده أهل المنطقـة كلهم !! سامر : لا حول ولا قوة إلا بالله !! سميرة : ايه يا سعاد مش قوتى هتبطلى البناطيل والباديهات رجعتيلهم تانى ليه يا موكوسة ؟ سعاد : اسكتى متفكرنيش باللى حصلى امبارح يا شيخة !! سميرة : خير فى ايه ؟؟ سعاد : ماما يا ستى بهدلتنى بهدلة الجنيه فى البورصة !! وفرجت عليا أمة لا إله إلا الله من الخناقات امبارح .. وعيزانى بعد كل ده مرجعش تانى ؟؟ وتتوالى المشـاهد والأحداث المتكررة يوميــاً بشأن هذا الموضوع الشائك للغايـة والذى تدور أحداثه فى كل بيت فيه شخص ملتزم جديد .. هذا وقد وصلتنـا أخبار بإن نسبة الانتكاس قد ارتفعت عن السنة الماضية مما يزيد الموضوع تعقيداً وقد يتم عقد مفاوضات يتم خلالها الصلح بين الطرفين وإلا فسيبقى الحال على ما هو عليه وكأنك يا ابو زيد ما غزيت ! كان معكم موجز أنباء التاسعة ... فى أمـان الله نتكلم جـد بقى ... المشاهد دى فعلاً بتتكرر كتيير اوى بنلاقى اللى مشى فى الطريق حبة ورجع تانى للى كان عليه ومقدرش يثبت وده كان بسبب ضغوط واجهها من الأهل والأقارب والأصدقاء ! بس مش حبة ضغوط اللى يعلموا كده !! مش عشان الضغوط دى نتنازل ونتنازل ونتنااازل !! مش اى حد يقلول كلمتين نسمعهم وننفذهم ونستسلم ونرضخ للأوامر حتى لو كان الكلام ده فيه خراب ديننا قبل دنيانا ! ليه تركــت طريق ربنــا عشان شوية كلام وتهزيق !! ليه رجعتى تانى ومقدرتيش تثبتى على حجابك الشرعى عشان شوية كلام وتهزيق ؟!! ربنـا بيقولنا هنا عتاب شديييد اوى للى رجعوا وسابوا طريق ربنا عشان شوية الكلام اللى سمعوه .. قال تعالى " وَمِنَ النَّاسِ مَنْ يَقُولُ آمَنَّا بِاللَّهِ فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ وَلَئِنْ جَاءَ نَصْرٌ مِنْ رَبِّكَ لَيَقُولُنَّ إِنَّا كُنَّا مَعَكُمْ ۚ أَوَلَيْسَ اللَّهُ بِأَعْلَمَ بِمَا فِي صُدُورِ الْعَالَمِينَ. " " آمنا بالله " خلاص يارب التزمنا ومش هنرجع تانى للذنوب اللى كنا بنعملها آمنــا بيك يارب وهنقرب منك ومش هيهمنا أى حااااجة !! كلام جميييل اووى , بس لازم بقى تدخل الاختبار بعديه عشان يتبين منه انت صادق فعلاً فى الكلام اللى لسة قايله ده ولا مع أول مطب هتقع ومش هتكمل ؟ " آلم * احسب الناس أن يتركوا أن يقولوا آمنا وهم لا يُفتنون * ولقد فتنا الذين من قبلهم فليعلمن الله الذين صدقوا وليعلمن الكاذبين " لازم الاختبار ده عشان الصادق من الكاذب يبااان ويظهر .. " فإذا أوذى فى الله " بدأ الكلام والتريقة والتهزيق ... والمسكة على الواحدة لما يطهقوا الواحد فى عيشته أى حاجة غلط تعملها .. ماهو احنا مش معصومين مش معنى اننا التزمنا ان خلاااص بقى ضد المعصية ! تلاقى الكلام من نوعية .. هو ده قيام الليل اللى بتصليه ؟؟ عاملى فيها مُصَلى سيادتك ؟ هو ده القرآن اللى بتقرأيه ؟؟ طب اعملى باللى فيه الأول !! وانت وانتِ لو استسلمتوا للكلام ده انه يجرحكم ويكسركم يبقى خلااص عليه العوض !! لو استسلمت ليه هتلاقى نفسك يوم عن يوم بترجع لورااا وحالك هيسوء وهتفرط فى الطاعات اللى كنت بتعملها عشان متسمعش الكلام ده تانى ! بس انت بكده مش بتحل المشكلة , انت زدتها تعقيداً للأسف !! العتـاب جاى اهو .. " جعل فتنة الناس كعذاب الله " يعنى شوية الكلام دول اللى اخدتهم تساويهم بعذاب ربنا اللى ممكن يقع عليك لو سبت طريقه ؟؟؟ شوية الكلام دول لما يوقعوك ... كده نفعوك اوى الناس ؟؟ خلتى بااااالك دى مش زى دى !! فتنة الناس مش زى عذاب ربنا !! انت عايز ترضى مييييين بالظبط !! جاوب وبكل صراحة ؟؟ عايز ترضيهم همـا ولا ترضى ربنــــا ؟؟! وعلى الأساس ده هتشوف هتكمل ومش هيأثر فيك كلامهم ولا العكس ! ده اختبااار من ربنا ليرى الصادق من الكاذب يا ترى انت صادق ولا لأ ؟؟ وياريت نتذكر ان الناس اللى احنا سبنا كلامهم يأثر فينا ويرجعنا لورا ويحبطنا ويقلل همتنا بل يكاد يعدمها ... دول يوم القيامة مش هيدوك حسنــــــة واحدة !!!! { يَوْمَ يَفِرُّ ٱلْمَرْءُ مِنْ أَخِيهِ } * { وَأُمِّهِ وَأَبِيهِ } * { وَصَٰحِبَتِهِ وَبَنِيهِ } * { لِكُلِّ ٱمْرِىءٍ مِّنْهُمْ يَوْمَئِذٍ شَأْنٌ يُغْنِيهِ } والله الواحد لما يفتكر كده كل حاجة بتهووووون .. محدش هيعرف حد يوم القيامة ... كله هيقول يللا نفسى , الواحد هيبقى هيموووت علشان ياخد حسنة من أى حد ... من أولاده من زوجته من أمه من ابوه !! كل دول اللى هما كانوا أقرب الناس ليه فى الدنيا .. مش هيدوله الحسنة دى !! محدش هينفعــك , عملك بس هو اللى هينفعك ! اوعى تفرط فى أى طاعة بتعملها عشان كلام أى حد !! هتتحسر اووووى لما تشوف ثواب الطاعة اللى انت اتخليت عنها دى بسببهم ولو قولتلهم هاتوا بقى حسنات من عندكم اعوض اللى فاتنى من الطاعة دى عشان انا سبتها عشان كلامكم محدش هيعبرك ولا هيسأل فيك !! " فَإِذَا نُفِخَ فِي الصُّورِ فَلا أَنسَابَ بَيْنَهُمْ يَوْمَئِذٍ وَلا يَتَسَاءَلُونَ. فَمَن ثَقُلَتْ مَوَازِينُهُ فَأُولَئِكَ هُمُ الْمُفْلِحُونَ. وَمَنْ خَفَّتْ مَوَازِينُهُ فَأُولَئِكَ الَّذِينَ خَسِرُوا أَنفُسَهُمْ فِي جَهَنَّمَ خَالِدُونَ " طب ليه تحط نفسك فى موقف زى ده ؟؟ ليه تتراجعى وليه تتراجعى ؟؟؟ ليه مقدرتوش تواجهوا الموقف بقوة ؟؟؟ ليه استسلمتوا بالسهولة دى ؟؟ " جعل فتنة الناس كعذاب الله " اوعى تكون واوعى تكونى منهـم ! المسألة مش صعبة بالشكل والحجم اللى بتتخيله !! بالله عليك .. لو افضلت ثابت ومرضتش تتخلى عن أى طاعة أو أى حاجة عملتها عشان ربنا وربنا رأى فى قلبك الصدق انك فعلاااااااااا مش عايز غير رضاه عنك وانك فعلااااااا مش هامك حد ولا هامك كلام ولا تريقة ولا غيره ربنا مش هيعينك وهييسر عليك الأمر ده ؟؟ ربنا مش هياخد بإيدك وهيقويك اكتر ؟؟ ربنا مش قادر إنه يقلب قلوبهم من ناحيتك ؟؟ ماهو دى نتيجة الاختبااااار بقى .... مادام عديته بنجاح وثبات .. ربنا هينزل عليك عطاياه من كل جانب مش طمعان فى عطايا ربنا ؟؟ مش طمعان فى رضا ربنا عنك ؟؟ مش طمعان فى الثواب اللى ربنا أعده للصابرين ؟؟ مش طمعان فى معية ربنا ليك ودفاعه عنك ؟؟ " من عادى لى ولياً فقد آدنته بحرب منى ... " مش طمعان فى الجنـة اللى لما تدخلها هتنسى أى هم او غم ألميت بيه فى حياتك ؟؟ لسة هتستسلم وهتسمح لكلامهم انه يضعفك ويحبطك ويقلل من همتك ؟؟ لسة هتسيبهم يجروك لورااا وفى الآخر هيتنكروا ليك ومش هيرضوا يدوك حسنة واحدة ؟؟؟ لسة مش عايز تثبـت وتواجه أى عقبة فى طريقك عشان توصل لربنـا ؟؟ مش عايز تنجح فى الاختبار ؟؟ اكييييد انت اخدت القرار دلوقتى انك وانِك مش هتستلموا وهتكملـوا فى طريق ربنـا وانكم هتعدوا كل المشااكل دى وهتتخطوها وبعد كده هتبقى خير عون ليكم فى طريقكم لما تتذكروا العطايا اللى ربنا نزّلها عليكم بعدها ولما تتذكروا كسرة قلبكم وجرحكم وانتوا بتقولوا لربنــا ( ياااااارب اجبر كســر قلبى واجبــر بخااطرى ) وتلاقوا بعدها فرحة وسعادة وإن ربنا لم ولن يُضيعكم طول ما انتوا معاه وماشيين فى طريقه ومش هاممكم غير رضاه :) اللهم يا مقلب القلوب ثبت قلوبنا على دينك منقووووووول المصدر: منتديات كــــــــونى يكن - من قسم: الـمـنـتـدي الإسـلامـي الـعـام ogn fhhhhhg; ]n la .n !!

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :