منتديات كــــــــونى يكن: جـــهز كــرتونتــك كويس

منتديات كــــــــونى يكن

جـــهز كــرتونتــك كويس May 9th 2013, 22:26 جـــهز كــرتونتــك كويس الإخلاص مشكلة كبيرة أوي وكما قال يوسف بن الحسين الرازي: «أعز شيء في الدنيا الإخلاص وكم أجتهد في إسقاط الرياء عن قلبي وكأنه ينبت فيه على لون آخر» أيوا فعلا أنا حاسس إني كل مابصلح النية من حتة تبوظ من النحية التانية ومش بس الإخلاص اللي بجاهد عشان أوصله لأ دي كل حاجة في حياتي بقت صعبة بقيت كل شوية اخد خطوة وارجع بعدها عشر خطوات مش عارف استمر كل شوية بقع ومش بتقدم عارف ليه ؟؟ مش عارف طيب حقولك حاجة حلوة هو انت لو رحت اشتريت كرتونة من البقال في العيد عشان تشيل فيها الكحك بتاخدها مطبقة لازم تاخدها تفردها وتلزقها ببلاستر جامد جدًا من تحت دا بديهي عشان متوقعش حاجة من تحت في حد فيكم مش بيلزق الكرتونة وبيسيبها مفتوحة من الناحيتين ويحط الكحك على البلاط بقا ؟؟؟؟ اكيد بتضحك دلوقتي او مبتضحكش حاجة ترجعلك وبتقول أكيد طبعًا كله بيقفلها مش محتاجة ذكاوة دي !!!! طيب تقول إيه بقا في اللي طول النهار عنده كرتونة عمال يحط فيها ملح وسكر وكل حاجة عنده وهي مفتوحة من الجانبين ويقول ييييييييييي هي الحاجات بتروح فين؟؟ طيب اجرب احط فيها حاجة أكبر يمكن ألاقيها ؟؟ طيب أحط طوبة تسدها؟؟ ::: صاحبنا دا أكيد كله مستعجب من حاله مع إننا كلنا بنعمل كدا ! أنا بعمل كدا؟؟ آه والله بس المرة دي كرتونتك هي قلبك طول النهار بتحاول معاه وهو مفتوح من الجانبين تحضر في دروس متلاقيش لها أثر تحاول تعمل طاعات متثبتش وتقع تاني .. تحاول تخلص مفيش.. تحاول تضع فيه أي عمل متلاقيش له أثر قلبك كرتونتك بس مش بتروح تشتريها من البقال لكن ربنا بيديهولك أمانة وبيجعل في قلبك محبته هو وبس وبيعرفك كل حاجة تساعدك تحافظ على سلامة قلبك ومتخدشهوش بس كتير مننا بيمشي بمثل أبوبلاش كتر منه يعني إيه يعني ربنا كرمك وعطاك قلب مفروض تحافظ عليه لكن عشان انت متعبتش في البداية عشان قلبك يكون نضيف ومفيهوش غير حب ربنا ظنيت إنه بعد كدا حيكون سهل ع طول تلاقي قلبك مستنيك وجواه كل المعاني الحلوة دي بدأت تهجر قلبك وزي الكرتونة بالضبط بدأ يتفكك والحاجات اللي كانت مسكاه كويس ببعضه عشان ميفكش هي اللي باظت وفكت عندها حق ماهي مبتتجددش من يوم ماربنا كرمك والتزمت وانت زي ماانت لا بتضيف لقلبك معاني جديدة ولا بتخليه يقرب من حبيبه ولما بتيجي المناسبات يعني داخل علينا رمضان ولا داخلين أيام فيها خير وكله من حواليك بيجتهد بتبدأ أنت كمان تدور على قلبك بس مش لاقيه وصعب ألاقيه بتقعد تلف وتدووووووووور كتير تقعد تسمع في دروس تشغل قرآن... تعرف خطوات تقرب قلبك من ربنا لكن مفيش فايدة عارف ليه ماانت مقفلتهوش كويس انت بتحط من نحية وناسي ان الناحية التانية مفتوحة أو بتسرب فكأنك بتحط مياه في كيسة مثقوبة تقعد تلزق تلزق طيب ازاي ألاقي قلبي من تاني وأقفله كويس؟؟ مش حتروح تشتريه من عند بقال ولاحتقعد تبص حواليك وتقول نفسي في قلب زي قلب فلان ولاينفع تروح تشتري حاجة تخلي قلبك نضيف للأسف قلبك مبينضفش بالكلور لو قعدت تسمع في دروس من هنا لبكرة تعمل أعمال بر مش حتلاقي فايدة لأن مفيش بلاستر وللأسف من كتر إهمالنا لقلبنا أصبحنا معندناش قلب أصلاً طيب وبعدين خليك زي صاحبنا المتفائل دا وبسرعة حط إيدك على الجرح بس الأول قرر انت عايز صندوقك شكله إيه ولونه إيه ؟؟ ابدأ خطط وارسم " نفسك قلبي يبقا عامل ازاي؟؟ إيه أقصى طموحك في طريق ربنا؟؟ مستعد تصبر لحد إمتة؟؟ عايز قلب جامد وقوي ثابت ولا قلب نص نص شوية وشوية ؟؟" 1-اعرف ان القلب مش من البقال... لكن أسأل الله أن يرزقك قلب ويودع فيه معاني القرب منه والخشوع 2-جهز العدة كويس أووووووي طيب العدة دي حتكون إيه أهم مكوناتها؟؟ أهم مكوناتها * الصدق : ودا اجيبه ازاي؟؟؟ بالدعاء بأن يرزقك الله الصدق.. بالتوكل على الله وحسن الظن بأن الله سيوفقك إذا رأى منك إقبالاً وإصرارًا على القرب منه.. بصحبة الخير اللي تشوفهم تحس إنك وحش أووووووي وتحس إنك غيران وعايز تسابقهم.. بالصبر مهما تقع لازم تقوم لحد ماتقف .. * الإخلاص:: ودا برده أجيبه ازاي؟؟؟؟؟ برده بالدعاء بإلحاح... وبإنك قبل أي عمل تاخد النية بسرعة سواء بقا من أول اليوم تنوي إنك تجعل يومك لله.. أو قبل كل عمل تنوي.... وبإنك تحاسب نفسك كتييييييييييييييييير جدًا على الصغيرة قبل الكبيرة وتقف لها على الواحدة وتعاقب نفسك لو ماأخلصتش .. طيب أعرف ازاي إني مخلص في مقياسين :: الأول:- ودا من شيخ في إحدى ندواته حين سألته أحد الأخوات أنا مش عارفة أكون مخلصة وبجتهد .. وبفرح أوي لما بروح البيت وألاقي نفسي معملتش رياء وكنت مخلصة فرد عليها الشيخ : طول ماانتي بتروحي وتقولي إنك أخلصتي النهاردة لله يبقى انتي لسة ماأخلصتيش.. انتهى يبقى إذن الإخلاص دا حاجة بينك وبين ربنا متقعدش تفرح بنفسك وتنفخ فيها على أقل تقدم تحرزه دايمًا ادعي ربنا يجعل لاترى نفسك ولاترى ماتعمل من أعمال الثاني:: إنك طول ماانت بتعمل أعمال مفروض إنها لله وبتفرح بعدها بثناء الناس عليك أو بتنتظر كلمة جزاك الله خيرًا<<< فاعلم إنك في الطرااااااااااااااااااااااااااااااوة وإنك مش مخلص نهائيًا .. أهم عدة بقا على الاطلاق التوبة ودايمًا بنيجي عندها وبنفرمل ليه ؟؟ في ناس بتحس إنها يائسة من نفسها وماشية بمبدأ حتوب دلوقتي ازاي ؟؟بعد كل الذنوب دي؟؟ وكل شوية يعصي بحجة إنها خربانة خربانة... لا مش خربانة خالص توبتك دلوقتي أحسن من كمان شوية أولاً لأنك مش ضامن تعيش لحد بعد شوية وثانيًا لأن كل ماتسرع في توبتك دا دليل إنك بتحب ربنا بجد ومش قادر تبعد عنه .. انت محتاج تحسن ظنك بالله إنه حيقبلك ولن يرد دعائك لأنك ملكش رب سواه .... كدا انت استعديت وحضرت أهم العدة عشان تعرف ترجع لطريق الله جهز كرتونتك كويس (قلبك) وقفلها كويس من تحت عشان لما تيجي تحط فيها حاجات متقعش جدد توبتك بجد وحاول مع قلبك تصلحه بالدعاء وبالانكسار لله بإن يوفقك لطاعته ويردك إليه ردًا جميلاً منقوووووووووووول المصدر: منتديات كــــــــونى يكن - من قسم: الـمـنـتـدي الإسـلامـي الـعـام [JJJi. ;JJvj,kjJJ; ;,ds

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :