انا مخطوبة بقالي تقريبا سنتين الا اربع شهور وخطيبي في المدة دي اتسرقت فلوسه مرتيين همو بيشتغل حر لحساب نفسه اول مرة اتسرق فيها امه ساعدته وباعت كل دهبها علشان يقف علي رجليه تاني وتاني مرة كانت من كام يوم حصلت له حادثة عربيه وفلوسه اتسرقت ودلوقتي امه مش معاها ولا مليم ولا هو كمان و الاهم من كده بقي ان جزء كبير من الفلوس اللي اتسرقت يعتبرو دين عليه وانا فكرت اني اديله الشبكة يبعها ويشتغل بيها بس والدتي مش حابة الفكرة وعمالة تقولي هو مش اتسرق ولا حاجه ده بيقول كده بس علشان عايز يقركش الموضوع وياخد الشبكة انا حتي لو هو عايز يفركش الموضوع مش عايزة الشبكة مش عايزة اتحمل ذنبه زي اول خطيب ليا لما سابني اهلي اصرو ان الشبكة من حقهم وانا اللي دفعت التمن حصلت لي حادثة عربيه مش قمت منها الا بقدرة ربنا وبعد سنه علاج ومضادات حيوية وبعدين انا رديت عليهم ان هو مش محتاج يعمل الفيلم ده علشان يسبني ومش محتاج انه يعطل نفسه يومين ومش يشتغل ويخسر نفسه علشان يفركش الموضوع وكمان مش هيقعد يعيط قدامي وهو اصلا صعب جدا انه يعيط ولو عايز يفركش الموضوع كان ابسط حاجه عملها راح باع الشقة واشتغل بتمنها انا علي فكرة عملت استخارة علي موضوع الشبكة ده وبردو مصصمة اني لازم اديله الشبكة هو انا علشان خطيبته مش ينفع اقف جنبه وقت ضيقته وبعدين ايه الفايدة من الشبكة لو فضلنا مش عارفين نتجوز ممكن تقولولي انا صح ولا اهلي اللي صح
lpjh[m ggkwdpm
0 التعليقات:
إرسال تعليق