منتديات كــــــــونى يكن: ان ((مع)) العسر يسرا

منتديات كــــــــونى يكن

ان ((مع)) العسر يسرا Feb 26th 2013, 20:47 ان ((مع)) العسر يسرا هسيبه.. خلاص هسيبه و مش هكلمه تاني و مش هاغضب ربي.. بس الفراق صعب أوووي وانا بجد بحبه و هو كمان.. ***ان مع العسر يسرا*** هلبسه.. خلاص هلبس الحجاب زي ماوعدتك.. بس صحابي هيألسو عليا و هيبقى شكلي و حش و هتخنق بجد.. كمان الشغل اللي انا فيه ممكن يعملولي مشاكل.. ***ان مع العسر يسرا*** خلاااص يا ستي.. هلتزم بلبسي و بحجابي الشرعي.. بس ماما هتقلبها خناقة معايا.. و هتفضل في الراحة و الجاية تقولي هتعنسي و مش هيجيلك عرسان... ***ان مع العسر يسرا*** خلاص هحاول أحفظ قرآن.. بس بجد مش لاقية وقت.. ودي ثانوية عامة و لو ماجبتش المجموع اللي هو.. معرفش ممكن يحصل ايه.. ***ان مع العسر يسرا*** هبطل أسمع اغاني.. بس بجد هاعمل مجهود جبار.. بجد مش بقدر أمنع نفسي..دي بقت في كل حته..حتى في الميكروباص اللي بركبه ولا التاكسي.. حتى مع صحابي على طول و على الفيس بوك و كل مكان... ***ان مع العسر يسرا*** بسم الله الرحمن الرحيم " ألم نشرح لك صدرك..ووضعنا عنك وزرك..الذي أنقض ظهرك..و رفعنا لك ذكرك..فان مع العسر يسرا..ان مع العسر يسرا..فاذا فرغت فانصب..و الى ربك فارغب" والى ربك فارغب عايزة ربنا يفرجها عليكي والى ربك فارغب ماتعرفيش يمكن اللي سبتيه عشان ربنا ده ممكن يكون فعلا نصيبك و حلالك!! ممكن بحجابك تبقي أحلى واحدة وسط صحابك و يتمنو يقلدوكي و الله اعلم يمكن تتفصلي من شغلك بسبب حجابك و تلاقي شغلانة تانية أحسن منها مليون مرة تلاقي فيها اللي بيحترموكي عشان اخلاقك و اتقانك لعملك ممكن بالتزامك بلبسك يجيلك العريس اللي ماكنتيش تحلمي بيه و مامتك تحمد ربنا انك التزمتي ممكن بالقرآن اللي انتي هاتحفظيه تطلعي ترتيب على الجمهورية ولا المحافظة مع ان عمرها ماحصلتلك ممكن لما تسيبي الاغاني ربنا يمن عليكي بصحبة صالحة تنسيكي كل همومك و مشاكلك و يمكن ربنا يعفك بزوج حنون تحفظي مشاعرك ليه و يغنيكي عن الاغاني دي كلها اللي بقوله ده يسر ممكن يحصل(( بعد)) ما ترغبي لله ((يعني تروحيله)) و تعملي اللي هو عايزه ماتكلمتش بقى عن اليسر اللي ربنا هيسرهولك ((مع)) اللي انتي بتعمليه يعني مثلا تكوني بتعملي حاجة و صعبة عليكي أوووي عشان ترضي ربنا و في نفس الوقت بباكي مثلا يكون مريض او مثلا ظروفكو المادية وحشة ممكن ربنا بسبب اللي بتعمليه ييسرلك امور تانية انتي مش متخيلاها فبباكي يخف..او حد في عليتكو فجاة يموت و تفتكري برضو انه شر..و يطلع سبحان الله خير و تورثوا مثلا و ظروفكو تتحسن أو مثلا تكوني في كرب و هم شدييييد و سبحان الله ربنا يعمللك حاجة يفرحك بيها تخليكي تنسي الهم اللي انتي شايلاه عشان مستصعبة طاعة ربنا و على فكرة كل مايكون الموضوع صعب عليكي..كل ماتكون المفاجأة اللي ربنا محضرهالك احلى و أحلى ^_^ بذمتك عمرك شفتي حنية كده!! يللا قولي معايا ***ان ((مع)) العسر يسرا*** المصدر: منتديات كــــــــونى يكن - من قسم: للبنات فقط hk ((lu)) hgusv dsvh

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

التسميات :