أنا حبيت واحد في الجامعة في الوقت ذا كانت لي كذا مشاكل.و كنت بقابلو كل يوم تقريبا و كانت لينا كذا صورة، و كنا لما بنرجع للبيت بنكمل كلام على الشات . و بالصيف أنا سافرت و ما سألتش فيه مع أن كان بيكلمني على الموبايل. بعد كدا سألني إن كنت مستعدة للزواج بيه؛ رديت عليه ان لو كان هو اصلا مستعد انا مش حرفض(أنا الفكرة مدخلتش لبالي خالص بحكم صغر سننا). لما رجعنا الجامعة حسيت انو اتغير كثير و بقيت أسأل فيه أكثر مبيهتم فيا هو، بقيت علحال ده 4 شهور، آخرها قال عايزنا نكون اصدقاء بس فاختفيت عشان استوعب وضعي و عشت اسود ايام حياتي من تعب وارهاق وبكاء، و فهمت إني خنت أهلي، فحكيت لأختي عشان تساعدني بس عصبت عليا و قالتها لماما. و بعد 6 شهور هو ارتبط ببنت ثانية. بعد كذا غيرت الجامعة و كل حاجة عشان أنسى و اخرج من الإكتآب للي كنت فيه.
القصة دي مر عليها 6 سنين، الأيام دي رجع سأل فيا و عاوزني أطمنو على نفسي.
أنا نفسي اعرف هو عمل كدة ليه؟ و هو ناوي على إيه؟ ممكن يكون راجع بنية حسنة؟ و حاسة إن لو اديتو فرصة، حجرح كبريائي اللي صنتو سنين... أنا عارفة إني غلطت زمان و لس مش مسامحة نفسي على اللي عملتو، علشان كده أنا حبيت استشركم و تنصحوني باللي يرضي ربنا و يريح بالي.
lpjh[i kwdpi
0 التعليقات:
إرسال تعليق